2023年8月9日 | 第一、二章
「魔雪奇緣世界」 於今年11月隆重登場！香港迪士尼樂園準備咗一系列嘅資訊圖，為大家介紹「魔雪奇緣世界」各個設施嘅設計靈感同背景。
2023年8月24日 | 第三、四章
❄️ 做足準備出發到阿德爾王國，當然要密切留意關於阿德爾嘅資訊！
樂園繼續準備咗一系列嘅資訊圖片，為大家介紹「魔雪奇緣世界」！今期資訊將會帶大家深入了解阿德爾標誌性的金色番紅花，還會介紹安娜與愛莎的人物性格及為她們聲演的重要人物Kristen Bell及Idina Menzel。
同時亦會為大家介紹於阿德爾森林內可以見到的布魯尼，以及「森林小天地」的起源。除此之外，大家亦可以率先了解位於阿德爾小鎮的「極光糖果屋」之故事！
為11 月的旅程做好準備，大家不妨透過Disney + 觀看更多《魔雪奇緣》系列的電影及短片，重溫阿德爾的故事！
2023年9月14日 | 第五、六章
阿德爾王國嘅大門將會於11月20日打開！樂園繼續準備咗一系列嘅資訊圖片，等大家了解更多「魔雪奇緣世界」嘅特色。
今期資訊就會同大家介紹阿德爾森林，同埋更多《魔雪奇緣》嘅角色，包括: 基斯托夫、斯特、奧肯、石精靈，仲有佩比爺爺。
由商人奧肯特別為夏雪節建造嘅「雪嶺滑雪橇」位於阿德爾森林，而整個「雪嶺滑雪橇」係由小白用佢嘅紅蘿蔔鼻子引領斯特喺跑步機上奔跑而發動，呢個仲係全球首個《魔雪奇緣》主題過山車！ 大家仲可以喺遊牧小攤檔買到獨特嘅紀念品同收藏品。
2023年10月5日 | 第七、八章
樂園繼續分享一系列嘅資訊圖片介紹「魔雪奇緣世界」！今期資訊為大家介紹「魔雪奇幻之旅」、「阿德爾港畔餐廳」、「友誼噴泉」同埋阿德爾居民嘅服飾。
2023年10月23日 | 第九、十章
樂園為大家準備咗最後一期嘅阿德爾資訊特集， 今期會同大家介紹喺阿德爾森林嘅森林美食站，同住喺森林嘅阿德爾居民服飾。
仲同大家分享夏雪節嘅由來，同埋阿德爾王國嘅皇室徽章 – 金色番紅花。
