十年前嘅今日，「魔雪奇緣」於美國上映。
作為全球首個「魔雪奇緣」主題園區所在地嘅香港迪士尼樂園，喺過去10年來亦多次推出與電影系列有關嘅表演及節慶活動。今日就再次重溫喺阿德爾王國打開大門前，於樂園出現過嘅冰雪魔法。
2015年夏季，樂園將展藝館變身「魔雪奇緣冰雪小鎮」。除咗有「夏雪節盛演」音樂劇俾大家一齊高歌，更有以真雪為賣點嘅「雪橇練習場」比大家滑雪橇，小鎮亦有「奧肯交易站」售賣商品及小食。「魔雪奇緣冰雪小鎮」大受歡迎，成為香港迪士尼樂園建造「魔雪奇緣世界」其中嘅一個踏腳石。
2015年尾，《迪士尼魔法書房》於故事劇場上演，小白走出故事書，同大家遊歷迪士尼經典故事。同年聖誕節，樂園亦上演《魔雪奇緣》聖誕亮燈禮。
2019年聖誕，為配合《魔雪奇緣2》上映，安娜與愛莎以《魔雪奇緣2》 的全新造型亮相於「夢想花園《魔雪奇緣》小鎮」。樂園亦於城堡廣場舞台上演《魔雪奇緣》飄雪時刻。
2020年，「奇妙夢想城堡」華麗登場，並加入公主和女王們嘅故事，當中包括安娜及愛莎。
2023年11月，阿德爾王國嘅大門打開，「魔雪奇緣世界」正式於香港迪士尼樂園開幕。
